O'ZBEKISTONDA YASHIL INVESTITSIYALARNING IQTISODIY O’SISHDAGI O’RNI
Keywords:
Yashil investitsiyalar, barqaror iqtisodiy o‘sish, yashil iqtisodiyot, ekologik barqarorlik, qayta tiklanuvchi energiya, xorijiy investitsiyalar, energiya samaradorligi, innovatsion texnologiyalar, O‘zbekiston iqtisodiyoti, ekologik siyosat.Abstract
Mazkur tezisda O‘zbekistonda yashil investitsiyalarning iqtisodiy o‘sishdagi o‘rni ilmiy jihatdan tahlil qilinadi. Xususan, yashil investitsiyalar orqali
iqtisodiyotning barqaror rivojlanishi, energiya samaradorligining oshishi hamda ekologik muammolarning kamayishi masalalari yoritiladi. So‘nggi yillarda O‘zbekistonda “yashil iqtisodiyot”ga o‘tish davlat siyosatining ustuvor yo‘nalishiga aylangan bo‘lib, bu jarayonda qayta tiklanuvchi energiya manbalariga investitsiyalar sezilarli darajada oshdi. Jumladan, 2019–2023 yillarda qayta tiklanuvchi energetika sohasiga yo‘naltirilgan to‘g‘ridan-to‘g‘ri xorijiy investitsiyalar hajmi keskin oshib, umumiy investitsiyalarning muhim qismini tashkil etdi . Yashil investitsiyalar iqtisodiy o‘sishga ko‘p yo‘nalishlarda ta’sir ko‘rsatadi: ishlab chiqarishning ekologik samaradorligini oshiradi, yangi ish o‘rinlarini yaratadi, innovatsion texnologiyalarni joriy etadi va iqtisodiyotni diversifikatsiya qilishga xizmat
qiladi. Shuningdek, ular iqlim o‘zgarishi bilan bog‘liq xavflarni kamaytirish va resurslardan samarali foydalanishni ta’minlash orqali uzoq muddatli barqaror o‘sishning muhim omili hisoblanadi. O‘zbekistonning yuqori quyosh va shamol energiyasi salohiyati yashil investitsiyalarni keng jalb etish imkonini beradi va mamlakatni mintaqada “yashil energiya” markaziga aylantirish istiqbolini kuchaytiradi.
