SHARQ ALLOMALARINING PEDAGOGIK QARASHLARI
Keywords:
Eastern scholars, pedagogical views, education and upbringing, perfect individual, spiritual and moral education, pedagogical heritage, science, moral education, enlightenment, humanism, national values, pedagogical thinking, harmoniously developed generation, Eastern thinkers.Abstract
Mazkur maqolada Sharq allomalarining pedagogik qarashlari, ularning ta’lim tarbiya tizimi rivojiga qo‘shgan hissasi hamda yosh avlodni barkamol inson qilib tarbiyalashga oid g‘oyalari ilmiy-pedagogik jihatdan tahlil qilingan. Maqolada Sharq mutafakkirlarining inson kamoloti, axloqiy tarbiya, ilm-fan, odob va ma’naviyat haqidagi qarashlari yoritilib, ularning bugungi ta’lim tizimidagi ahamiyati ochib berilgan. Xususan, Abu Nasr Forobiy o‘zining “Fozil odamlar shahri” asarida komil insonni shakllantirishda ilm, tarbiya va jamiyatning o‘rnini asoslab bergan hamda insonning baxt-saodatga erishishi tarbiya bilan bog‘liq ekanligini ta’kidlagan. Abu Ali ibn Sino esa ta’lim jarayonida bolaning yosh xususiyatlari, qobiliyati va qiziqishlarini inobatga olish zarurligini ko‘rsatib, aqliy, jismoniy va axloqiy tarbiyaning uyg‘unligini ilgari surgan. Uning pedagogik qarashlarida ustozning bilimdonligi, muomala madaniyati va shaxsiy namunasi muhim omil sifatida baholangan.Shuningdek, Abu Rayhon Beruniy ilm olishda kuzatish, tajriba va amaliy faoliyatning ahamiyatini asoslab bergan bo‘lib, u ta’limning hayot bilan bog‘liq bo‘lishi kerakligini ta’kidlagan.
