ИНСОН МИЯСИ ВА ЎЗЛИКНИ АНГЛАШ ПСИХОЛОГИЯСИ: БИЗ ЎЗИМИЗНИ ҚАНЧАЛИК БИЛАМИЗ?

Abstract

Мазкур мақолада инсон мияси фаолияти ва шахснинг ўзлигини англаши ўртасидаги ўзаро боғлиқлик психологик ҳамда нейрокогнитив ёндашувлар асосида таҳлил қилинади. Инсоннинг «Мен кимман?», «Мен нимани хоҳлайман?», «Нима учун бундай фикрлайман?», «Қарорларим қандай шаклланади?» каби саволларга жавоб излаши ўзликни англаш жараёнининг муҳим таркибий қисми ҳисобланади. Замонавий психология ва нейрофан тадқиқотларида ўзликни англаш фақат ички кузатув билан чекланмай, хотира, диққат, эмоциялар, тафаккур, ижтимоий тажриба, ўз хатти-ҳаракатларини баҳолаш ва метакогнитив жараёнларнинг ўзаро таъсири натижаси сифатида ўрганилмоқда.